Караван на книгата од денеска до 2 август во Битола

Караванот на книгата во организација Македонската асоцијација на издавачи (МАИ) од денеска до 2 август ќе биде во Битола.

Летниот саем на книгата во организација на издавачките куќи „Три“, „Антолог“, „Арс Ламина“, „КСЦ Полица“, „Култура“ и „Едука Мак“ ќе биде на платото пред битолскиот Народен театар. 

Љубителите на убавиот пишан збор, како што информираат организаторите, во рамки на саемот ќе имаат можност и за средба со повеќе автори.

Караванот на книгата низ Македонија и летните саеми, се дел од заложбите на МАИ за популаризација на културата на читање книги.