Протести пред воздухопловната база во Каракас
Безбедносните сили на Венецуела употребија солзавец за да растераат група млади демонстранти кои ја пробија металната ограда пред воздухопловната база во Каракас.
Демонстрантите фрлаа со камења и запалија возила, а некои од нив се повредени. Судирите избија по мирните масовни демонстрации во близина на базата „Карлота“, каде неодамна беше убиен 22-годишен демонстрант, откако во градите беше погоден од гумен куршум.
Претседателот на Венецуела, Николас Мадуро вчера обраќајќи се на војниците посочи дека успеал да ја осуети заверата за негово соборување, која според него, била поддршана од САД. Тој ја пофали армијата што е на страната на неговата социјалистичка Влада.
Над 70 лица загинаа, стотици се повредени, а повеќе од 3.000 луѓе се уапсени во протестите што траат речиси три месеци.
Демонстрантите го обвинуваат Мадуро за недостигот на храна, лекови и основни животни производи и бараат предвремени парламентарни избори.
Ново на Сител
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време