Извозот од Турција во Катар зголемен трипати
Извозот од Турција во Катар, во вкупна вредност од 29 милиони евра, сега е трипати поголем од вообичаеното ниво, откако четири арапски држави ги прекинаа дипломатските односи со емиратот, изјави турскиот министер за трговија и царина, Булент Туфенкчи.
Претходно, на 5 јуни Саудиска Арабија, Египет, Обединетите Арапски Емирати и Бахреин ги прекинаа врските со Катар поради сомненија дека поддржува терористички групи. Турција пак, во овој случај ја поддржа Доха во овој спор, но истовремено внимавајќи да не застане против свои сојузници, како што е Саудиска Арабија.
Од 5 јуни извозот кон Катар изнесува 32,5 милиони долари, од кои 12,5 милиони долари се во храна, прецизираше Туфенкчи.
Турција за овие две недели испратила над сто товарни авиони со достава кон Катар, но не е економски исплатливо храната да биде испраќана по воздушен пат. Затоа, Турција започна и со достава на прехранбени производи за Катар со бродови или по копно, изјави турскиот министер за економија, Нихат Зејбекчи. Освен храна, Турција извезува и електрични уреди и стока за домаќинствата.
Првиот турски брод со 4.000 тони прехранбени продукти, отплови вчера од пристаништето во Измир.
Ново на Сител
-
За септември одложен почетокот на повтореното судење за пожарот во модуларната болница во Тетово
-
Се заканувал на странска амбасада - Кривична пријава за прилепчанец
-
ЦУК: Заглавена екипа на Брза помош со пациент во лифт
-
До петок нестабилно време со дожд и грмежи, за викендот стабилно и топло
-
Јаневска: Во септември ќе има учебници за основно образование и за средно во најголем дел
-
Синдикатот на полиција во Македонија поднесе кривична пријава против поранешниот министер за внатрешни работи
-
Радев: Политиката на Скопје е насочена против европските принципи
-
Поднесена кривична пријава против Самка Ибраимовски за закани и повици за насилство кон судија на Уставниот суд