Маж од Вирџинија обвинет за шпионажа во корист на Кина, соопшти американскиот Стејт департмент

Маж од Вирџинија е обвинет дека на агент на Кина му пренесувал строго доверливи документи, поврзани со одбраната, соопшти Стејт департментот на САД.

Шеесетгодишниот Кевин Патрик Мелори, консултант во слободна пракса, кој работел за американската влада и подизведувачи во сферата на одбраната, вчера се појавил на првото рочиште за случајот против него.

Ако биде прогласен за виновен по обвиненијата за шпионажа, се соочува и со казна доживотен затвор.