Полицијата упадна во семејна куќа: Драган заробил 10 мигранти, ѕверски ги мачел, тепал и изгладнувал

-Во куќата живеат Драган, неговата сопруга, ќерката, зетот и внуците. Се занимавале со фарбање, никој од соседството не знаел дека шверцуваат мигранти, а ниту пак дека имале луѓе заклучени во домот. Ги видовме онака кутрите дури кога полицијата ги извлече во дворот. Навистина беа многу измачени, изморени, вели еден сосед.

Соседите велат дека потоа Драган и Срѓан со полициско комбе се однесени на распит во полицијата.

-Драган работи во една фирма во Аранѓеловац, никогаш не правел проблеми, а зетот правеше/ Сите знаат дека сака да се коцка, должи многу пари и можно е заради тоа да се одлучил на оваа работа и во неа го вовлече и дедото, вели соседот.

Сепак од нив не очекувале кон мигрантите да се однесуваат како со робови.

-Сопругата на Драган и ќерката не се уапсени. Тие останаа дома со децата, но и тие се соочеснички, знаеја што се случуваше во куќата, велат соседите.

Полицијата од дворот на Вукосављевиќ однесе и шест нивни автомобили.

-Одземени им се три „реноа“, „фиат“, комбе со лажни таблички, „ауди“ и „опел“ со странски таблички. Според трагите од кал, „аудито“ и „опелот“ најверојатно биле користени за превоз на мигрантите, вели извор.

Откриените мигранти се префрлени во Прифатниот центар за опоравување.