Анкета: Партијата на Макрон убедлива пред изборите в недела

Партијата на францускиот премиер Емануел Макрон ќе добие една третина од гласовите во првиот круг од парламентарните избори в недела што ќе и овозможи огромно мнозинство, се вели во резултати од анкета.

Според анкетата на Ипсос Сопра Стерија, партијата на Макрон, Република напред, ќе добие 31 отсто од гласовите во првиот круг на изборите на 11 јуни. Анкета од пред една недела укажуваше на 29,5 отсто.

Со тој резултат партијата на Макрон, формирана во април лани може да добие меѓу 397 и 427 пратеници од вкупно 577 места во Долниот дом на парламентот. Тоа би било едно од најсолидните мнозинства во изминатите 50 години.

„Републиканци“ се очекува да добијат меѓу 22 отсто и меѓу 95 и 115 места и покрај тој резултат ќе бидат најголема опозициска сила. Националниот фронт се очекува да добие 17 отсто гласови доволни за 5 до 15 места.