НЛО над село кај Бања Лука!?
Членови на семејството Зориќ од селото Пријаковци кај Бања Лука вчера на социјалните мрежи објавија несекојдневни фотографии за кои тврдат дека биле направени околу пладне на небото над нивната куќа.
На фотографиите, направени со мобилен телефон, на небото во позадина на нивната куќа се гледа нешто, за кое тие тврдат дека претставува непознат летечки објект (НЛО).
- Мислам, како де не се поверува. Кажете ми вие што гледате. Слободно ви давам да ги проверите фотографиите, нека ги прегледаат експерти. Едноставно таму има нешто. Што е тоа нека утврдат, изјави еден од членовите на семејството, Петар Зориќ за телевизијата АТВ.
Тој тврди дека НЛО-то на фотографиите го „уловила“ неговата ќерка Софија, додека го сликала нејзиниот брат.
Според Петар Зориќ, таа на небото забележала „нешто, што наликува на вселенски брод“.
Софија изјави дека големиот објект исчезнал по неколку секунди и повеќе не го видела.
Таа додава дека дури од како ги преледала четирите снимени фотографии „сфатила за што станува збор“.
- Размислував што е тоа. Малку бев преплашена. Не знаев што е. Верував, ама не сосем. Онака и да и не. Но сега верувам малку повеќе, изјави Софија Зориќ за АТВ.
И додека семејството Зориќ чека да дојде некој за да ја испита невообичаената појава, нивните соседи почнаа да се шегуваат дека вонземјаните веројатно дошле да го постават осветлувањето во селото, кои одамна им било ветено од властите.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово