Њујорк тајмс: Хакерите од Северна Кореја се глобална закана
Според американскиот весник Њујорк тајмс, комунистичкиот режим на Северна Кореја развил армија од 6.000 хакери кои се во состојба да вршат кибер напади врз западните држави.
Засега, според весникот, севернокорејскиот режим ги користи овие хакери за кражби на поголеми суми пари од светските берзи.
Весникот наведува дека во 2016 година, Северна Кореја за малку ќе успеела да украде милијарда долари од трансакциите на американските Федерални резерви, и само мала печатна грешка ги спречила во планот.
На сличен начин бил спречен обид на кражба на поголема сума пари од централната банка на Бангладеш, од каде сепак биле однесени 81 милион долари.
И за големата серија кибер уцени преку компјутерски вирус во мај годинава, од која беше соборен системот на британското јавно здравство, се смета дека е дело на севернокорејски хакери, пишува Њујорк тамс. Се на се, хакерските единици на Северна Кореја имаат годишни приходи од неколку стотици милиони долари до милијарда долари, што е една третина од годишниот буџет, пишува весникот.
Се разбира, главна цел на севернокорејските хакери е Јужна Кореја, при што се смета дека нападите главно се вршат преку видео-игри, биткоин берзите и електронските банкарски трансакции.
Повеќето развиени држави кои имаат свои хакерски единици внимаваат какви напади организираат стравувајќи од одмазнички напади доколку бидат откриени. Но, Северна Кореја има примитивна компјутерска мрежа и поради тоа нејзините власти не стравуваат премногу од американски или британски кибер напади, објави Њујорк тајмс.
Ново на Сител
-
Скопјанец излетал надвор од коловозот на автопатот Скопје–Велес
-
Тешко повреден мотоциклист во сообраќајка во Скопје
-
Зеленски во Вилнус: Русија е принудена на дипломатија, имаме вистинска шанса за мир
-
Јахоски утрово се пријавил во Кривичен суд , од Апелација велат дека не издаваат патни исправи
-
Димитриеска- Кочоска: Од 1 јули намалување на царинската стапка кај 67 стоки кои се користат во домашната индустрија
-
Дива мачка забележана во пештерата Свинска стрна на Галичица | ФОТО
-
21.178 сообраќајни прекршоци во текот на месец мај
-
Судиите му го вратиле пасошот на Jахоски за да оди на свадба во Tурција