Николовски упати честитка до граѓаните кои денеска слават Велигден

Генералниот секретар на СДСМ Љупчо Николовски упати честитка до сите верници од католичка вероисповест како и до сите граѓани кои го слават големиот христијански празник Воскресение Христово-Велигден, според Грегоријанскиот календар.

„Драги сограѓани, кои го прославувате Велигден по Грегоријанскиот календар, искрено ви го честитам  празникот,  посакувајќи  да го поминете во добро здравје, духовен мир и семејна среќа.

Најголемиот христијански празник, верниците и оваа година го дочекуваат соочени со предизвиците кои се пред сите нас, кои ги постави пандемијата со коронавирусот не само во нашата татковина, туку во целиот свет.

Во овој тежок период за сите, Велигден треба да не потсети на најважните морални, но и хуманистички начела  – добрина, заедништво, солидарност и љубов, кон ближните, кон човекот.

Нека победата на Христос над смртта, победата на светлината и новите почетоци ни бидат инспирација и ни дадат духовна сила да ги победиме сите предизвици.

Ви посакувам убав ден и овој празник да го прославите одговорно, почитувајќи ги мерките и препораките за заштита на здравјето.