Никогаш заборавени: Крст во Радишани за момчињата кои беа убиени кај Смилковци

На 12-ти месецов беа навршени четири години од крвавиот масакр кај Смилковското Езеро кој ја потресе Македонија. Семејствата на загинатите млади момчиња Кире, Филип, Александар, Цветанчо и Борче и понатаму се завиени во црно.

Настанот се случи на Велики Четврток во 2012 година кај Смилковци, кога младите момчиња на возраст од 18 до 21 година од населбата Радишани, седеле таму на излет. 

Во скопската населба Радишани е поставен крст во сеќавање на трагично згаснатите млади животи.

- Никогаш заборавени, Никле, Киро, Цеко, Френки...стои на транспарент закачен на крстот во Радишани.

За потсетување, Скопскиот кривичен суд пресуди шест доживотни казни за кривично дело тероризам за обвинетите во случајот „Монструм“.