Нигер го отповика својот амбасадор од Катар во знак на солидарност со арапските држави

Властите во Нигер соопштија денеска дека го отповикале својот амбасадор во Доха во знак на солидарност со арапските држави, кои ги прекинаа одоносите со Катар, обвинувајќи го за финансирање на вооружени исламистички групи и поддршка на Иран.

Некои африкански земји внимателно ги поддржаа напорите за изолирање на Катар.

Мавританија, која е член на Арапската лига, ги прекина во вторникот дипломатските односи со Катар, а Габон, кој е производител на нафта, ја осуди Доха бидејќи потклекнал во напорите за борба против тероризмот.

Сенегал соопшти дека ќе го повлече својот амбасадор од Доха и изрази „активна солидарност“ со земјите кои ги прекинаа односите со Катар.