Невремето во Далас однесе осум животи, вкупно 25 жртви во САД
Поширокото подрачје во Далас го погодија повеќе торнада кои зад себе оставија значителна материјална штета, како и осум жртви, соопштија денеска локалните власти.
Вкупниот број на жртви на бурата која доцна синоќа ги погоди јужните држави во САД, Мисисипи, Тенеси и Арканзас, за време на божиќните празници се зголеми на 25.
Најмалку осум лица загинаа кога невремето го зафати густо населеното урбано подрачје кое ги опфаќа Далас и Форт Ворт, кое во исто време остана и без електрична енергија.
Градските власти на Гарланд во Тексас соопштија дека во тој град загинале пет луѓе, откако нивните возила се нашле во торнадото, како и одреден број луѓе се повредени во невремето.
Торнадата, за кои локалното население наведува дека биле најмалку четири, прекинувале електроводи и соборувале столбови, по што околу 50.000 луѓе останале без струја, објави весникот „Далас морнинг њуз“.
Уште три лица загинале во инциденти предизвикани од бурите во округот Колин, јужно од Далас-Форт, наведе весникот, повикувајќи се на информации од полицијата.
Милиони жители на југот на САД во моментот се опоравуваат од последиците на силните бури и поплави од претходните денови, предизвикани од невообичаено топлото време за овој период од годината.
Ново на Сител
-
Берзите во зелено, Трамп се сомничи за инсајдерско тргување!
-
Никој на форумот во Делфи не ги оправда царините на Трамп – „Најпогодени ќе бидат Американците“
-
Градејќи нова зграда во Ѓорче Петров, урнале ѕид на соседната
-
Судски совет ја преиспита одлуката на судијата Ферати
-
Здравствени работници во земјата ќе се едуцираат како да им помогнат во долготрајната рехабилитација на повредените од Кочани
-
Акција: 43 лица осомничени за измами со брзи кредити
-
Советот на Кочани во понеделник ќе избира в.д. градоначалник
-
Нова криза со недостиг на терапија на Онкологија – тендерските процедури биле во тек