Нетанјаху: Израел ќе ги слуша САД, но ќе донесува одлуки во согласност со своите национални интереси
Израел ќе ги слуша САД, но ќе донесува одлуки за нејзините постапки во согласност со своите национални интереси. Ова денеска го соопшти кабинетот на израелскиот премиер Бенјамин Нетанјаху.
Соопштението е објавено во врска со информација во „Вашингтон пост“. Се наведува дека Нетанјаху му рекол на американскиот претседател Џо Бајден дека Израел ќе ги нападне иранските воени објекти, а не нафтените или нуклеарни цели во Иран.
Објавувањето во американската публикација и соопштението доаѓаат во време на шпекулации за тоа каков ќе биде израелскиот одговор на масовниот ирански ракетен напад врз Израел на 1 октомври. Иран истрела речиси 200 ракети кон Израел, напад што Техеран го прикажа како одговор на убиството на лидерот на Хамас, Исмаил Ханија, што му се припишува на Израел, и на убиството на лидерот на Хезболах, Хасан Насрала, како и на генералот на гардата на Копрус Исламската револуција спроведена од израелските сили. Израелското Министерство за одбрана вети дека по овој ирански ракетен напад ќе возврати со смртоносен, прецизен напад врз Иран.
Според „Вашингтон пост“, Нетанјаху телефонски му рекол на Бајден дека планира да ја погоди иранската воена инфраструктура како одговор на иранскиот ракетен напад. Тоа беше прв телефонски разговор меѓу двајцата лидери во последните седум недели.
Бајден претходно го предупреди Израел да не се обидува да ги нападне иранските нуклеарни постројки и рече дека е против каков било напад врз иранските нафтени постројки.
Ново на Сител
-
Гутереш го повика Израел да го запре проектот за населување на Западниот Брег
-
Конференција „Иднината на лозарството: Иновации, стандарди и одржлив развој“
-
Ким ги поздрави севернокорејските команданти и војници кои се вратија од рускиот Курски регион
-
ОН: Бројот на неухранети деца во Газа од март е зголемен тројно
-
Апелациски суд во САД дозволи депортација на 60.000 имигранти од Хондурас, Никарагва и Непал
-
Џ. Д. Венс: Европа мора да го понесе лавовскиот дел од товарот за безбедноста во Украина
-
Поради пожар забрана за сообраќај на регионалниот пат Македонски Брод - Скопје
-
Седница на Националната комисија за УНЕСКО во Охрид