Нептун гради нов дистрибутивен центар во општина Илинден
Компанијата Нептун Македонија ДОО во стопанскиот комплекс „Илинден“ почна со градба на нов дистрибутивен центар, што ќе се простира на површина од 7.000 метри квадратни.
Вкупната инвестиција, според инвеститорот, изнесува три милиони евра, а ќе се отворат 40 нови работни места. Новиот објект треба да биде готов до август годинава.
Како што информира општина Илинден, во 2015 година отуѓени се пет градежи парцели со намена за стопанство, лесна и незагадувачка индустрија со површина од 24.779 метри квадратни. Вкупната проценета инвестиција на новите пет компании кои откупија градежно земјиште изнесува 4.500.000 евра и ќе овозможат отворање нови 70 работни места.
Во 2015 година во општина Илинден шест компании почнаа со градба на своите нови капацитети, почна изградбата на две станбени згради, а во употреба беа пуштени четири нови стопански објекти. Во локалните економски зони во општина Илинден досега има 176 инвестиции, од кои 31 странска директна инвестиција.
Ново на Сител
-
Избран новиот централен одбор на СДСМ, Филипче најавува враќање на победничките патеки
-
Тема на денот со Татјана Стојановска, активист во иницијативата О2
-
30 конгрес на СДСМ - Отчет за поразот и избор на телата на партијата
-
Ахмети: Без Aлбанците, Македонија нема иднина
-
Владата и банките договорија 1,95% камата за унгарските пари
-
Автопатот Охрид - Кичево готов до 2026 година
-
Мицкоски: Од следната летна или есенска сезона очекувам да има нови електрични автобуси
-
Регионална депонија во Новаци во стар рударски коп на РЕК Битола