Нема влез на нови мигранти во ТПЦ Винојуг, на Табановце 1.044
Во Транзитниот прифатен центар „Винојуг“ во Гевгелија од 6:00 вчера наутро нема влез на нови мигранти и бегалци и се чекаат резултатите од начелниот договор постигнат вчера меѓу Турција и ЕУ за враќање на бегалците и економските мигранти на турска територија, јавува известувачот на МИА.
Барбара Колци од канцеларијата за заштита на УНХЦР денеска потврди дека засега во Транзитниот прифатен центар „Винојуг“ има само 11 луѓе, бидејќи од вчера ниту едно лице ја нема поминато границата, додека состојбата од другата страна на границата во Идомени каде има повеќе од десет илјади луѓе е многу тешка.
- Состојбата во Табановце исто така е многу тешка каде моментално има околу 1.044 лица, кои чекаат веќе неколку дена.. Групата од 437 мигранти што замина вчера се уште чека на границата со Србија, каде не може да помине, рече Колци.
Според Колци, тешко е да се каже дали сите луѓе што чекаат на грчка страна од границата ги имаат сите потребни документи за влез, но полицијата при влез ги скенира и тие треба да поседуваат пасош или лична карта за идентификација и да доаѓаат од места кои не се сметаат за безбедни.
УНХЦР, исто така, реагираше на синоќешната изјава на водачите на државите од ЕУ и Турција. Во писмената реакција УНХЦР изразува загриженост за капацитетите на Турција да ги обезбеди сите основни потреби на растечката сириска популација како и околу договорот за неселектувно враќање на сите поединци од една во друга земја без доволно нагласени заштитни механизми за бегалците во согласност со меѓународните обврски.
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ