Нема активни пожари во Скопско, изгаснати пожарите кај Љубин и Кондово

Во моментов нема активни пожари во Скопје и околината. Синоќа се изгаснати шумските пожари во селата Љубин и Кондово, Општина Сарај, што беа активни во текот на вчерашниот ден.

Како што информираат за МИА од Противпожарната единица на Град Скопје, пожарот во Кондово бил изгаснат синоќа во 23.30 часот, а во Љубин во 22.10 часот. Пожарникарите беа на терен повеќе од 14 часа и ефективно работеа.

Од Противпожарната единица на Град Скопје апелираат граѓаните да бидат внимателни кога се на отворен простор.