Не се кријат податоци за состојбата со коронавирусот, тврди Спасовски
Нема ниту еден податок кој е скриен и не е презентиран во јавноста, наша определба е да работиме транспарентно, колку и да таа вистина не е добра, треба да ја знаат граѓаните, истакна премиерот Оливер Спасовски на прес-конференцијата во Владата прашан дали се кријат некои податоци во однос на коронавирусот.
– Замислете каква глупост е да излезете да кажете или да скриете дека имате заразени од коронавирус, а вие тоа не го пријавувате на јавноста или на институциите. Тогаш за каква одговорност зборуваме, за кое здравје и живот на граѓаните зборуваме ако така настапуваме. Како Влада се однесуваме одговорно и многу транспарентно и затоа ви кажуваме дека ако треба и три-четири пати дневно ќе имаме прес-конференции, соопштенија и се што треба да правиме ќе правиме за да бидат граѓаните информирани, рече Спасовски.
Премиерот апелираше до медиумите да соопштуваат информации исклучиво од институциите.
-Апелирам до медиумите да слушаат тоа што ќе го соопштат институциите. Тоа што го имаме како сознание е основа врз кое ќе ги носиме идните одлуки. Се што правиме како Влада се базираме исклучиво на експертите за оваа состојба и мерките ќе ги ноиме врз основа на тоа. Овде нема место за политика или политиканство, порача Спасовски.
Ново на Сител
-
МЗ: Извршена трансплантација на коскен дефект од шест сантиметри на бутна коска
-
Шведски Врховен суд: Активистите не можат да ја тужат државата за недоволна акција против климатските промени
-
Завршни зборови во судскиот процес против Додик
-
Украински пратеник: Изјавите на Трамп „непријатни“, но „не смееме да ги изгубиме американските сојузници“
-
Лавров: Русија разговараше со САД за отстранување на заканите кон земјата
-
ДУИ: За првпат по 2001, ниту една раководна позиција во тајните служби не е во рацете на Албанец
-
Усогласени нови правила на ЕУ за отпадот од храна и текстил
-
Сервер: Договор кој ќе го компромитира суверенитетот и територијалниот интегритет на Украина ќе охрабри сецесионизам и иредентизам на Балканот