НБА: Пред две години го „трејдуваа“ сега го вратија

Тим Хардавеј Џуниор се врати во тимот на Њујорк Никс. Тој со оваа франшиза ќе потпише четиригодишен договор.

 

Њујорк пред две години го „трејдуваше“ Хардавеј во Атланта во замена за тогаш дебитантот Џериан Грант. Првата сезона во Атланта му беше лоша, но измината го покажа својот талент.

 

Поради тоа Њујорк реши да го врати во тимот и му понуди 71 милион долари за четири години.

 

Изминатата ноќ во НБА лигата се случија уште неколку трансфери.

 

Ветеранот Винс Картер наредната сезона ќе игра во Сакраменто. Картер со овој тим потпиша едногодишен договор за осум милиони долари.

 

Мајами потпиша четиргодишни договори со двајца играчи, Кели Олиник и Џејмс Џонсон. Олиник дојде од Бостон и тој за четири сезони ќе инкасира 50 милиони долари, додека Џонсон ќе добие од Мајами 60 милиони долари.

 

Одлична работа заврши Сан Антонио, кој потпиша двегодишен договор со бекот шутер Руди Геј. Сан Антонио за две години на Геј ќе му исплати 17 милиони долари.