Научен собир на млади македонисти

На Филолошкиот факултет „Блаже Конески“ денеска и утре ќе се одржува 9. Научен собир на млади македонисти - Конференција во чест на Лилјана Минова - Ѓуркова.

На собирот над 30 млади научници од земјава и странство ќе се претстават со свои реферати, а по официјалното отворање ќе бидат промовирани зборниците од Седмиот и Осмиот собир.

Првиот научен собир се одржа на 20 и 21 мај 1993 година на иницијатива на проф. д-р Лилјана Минова - Ѓуркова од Катедрата за македонски јазик и јужнословенски јазици. Основниот концепт на собирот беше тој да претставува научна средба на млади научни работници чија прва или втора специјалнмост е македонскиот јазик. На досегашните собири учествувале над 350 млади научници.