НАСА ќе лансира ракети од Австралија, првпат по 27 години
Американската вселенска агенција НАСА е подготвена да лансира ракети од Австралија, првпат по 27 години, објави во средата австралискиот премиер Ентони Албанезе.
Ова ќе биде прво комерцијално лансирање вон САД во историјата на НАСА и прво лансирање ракета на НАСА од Австралија по 1995 година. Три ракети со суборбитален дострел ќе полетаат од Вселенскиот центар „Арнем“ во Северната Територија, во сопственост и управуван од комерцијалната компанија „Екваторијал лонч Австралија“. Летовите се закажани меѓу 26 јуни и 12 јули годинава.
– Задоволство е да се биде овде во (градот) Дарвин денеска за да го објавиме заедничкото лансирање, истакна Албанезе.
Ракетите ќе се користат за астрофизички испитувања што може да се направат само од јужната хемисфера, соопшти НАСА. Тие ќе ја истражуваат хелиофизиката – природата и влијанието на Сонцето, и феномените на планетарната наука.
– Лансирањето летово ќе ни овозможат да истражиме како светлината на ѕвездата меѓу другото може да влијае и на животната средина на планетава, изјави Ники Фокс од НАСА.
Албанезе рече и дека овој проект ќе ги обедини светската и локалната индустрија и „ќе го одведе вселенскиот сектор на Австралија во нова ера“. А пак, шефот на Австралиската вселенска агенција, Енрико Палермо нагласи дека лансирањето ќе го зајакне „долгогодишното партнерство на Австралија и САД“ во мирољубивото користење на Вселената.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување