Народната банка ја зголеми основната каматна стапка за 0.25 проценти - ќе пораснат ли каматите на кредитите

Ќе поскапат ли кредитите?  Народната банка донесе одлука да ја зголеми основната каматна стапка на благајничките записи за 0, 25 поени. Оваа камата е показател,  во кој правец треба да се движат и останатите каматни стапки. Експертите не очекуваат ваквиот потег  веднаш да ги поскапи кредитите, затоа што ревидирањето е мало.   Но, велат дека се ќе зависи од глобалните случувања но и од чекорите кои ќе ги преземат  самите банки.

Според Петрески,  одлуката  на Централната банка е  заштитна мерка , за да се спречи поголем инфлаторен притисок.

Со одлуката на НБРМ,  референтната каматна стапка се зголемува од 1, 25 на 1, 5  проценти.  Ова е прво поместување во нагорна линија по подолг период.  

Отактко во март и федералните резерви на САД ја зголемија  референтната камата и најавија дополнителен раст од мај, и европската централна банка се  очекува да преземе слични чекори.