Напаѓачот во Минесота бил „воин на ИД“

Лицето што синоќа при напад со нож им нанесе повреди на најмалку осум лица во еден трговски центар во американската сојузна држава Минесота, бил „воин на Ислмаската држава“, информира денеска агенцијата Амак, која е поврзана со џихадистичката група ИД.

- Извршителот на вчерашниот напад со нож во Минесота беше воин на Исламската држава, кој дејствувал како реакција на повиците на групата за напади врз граѓани на државите вклучени во коалицијата на крстоносците, тврди Амак.

Нападот се случи во местото Сент Клауд во Минесота, на околу 110 километри северозападно од Индијанополис, при што полицијата го уби напаѓачот.

Никој од повредените не се наоѓа во животна опасност.

Сведоци на инцидентот за американските медиуми изјавија дека непосредно пред да биде застрелан, напаѓачот извикувал пораки со кои го величел Алах.

Властите, сепак, не го оквалификуваа нападот како терористички чин.

Полицијата не го обелодени идентитетот на убиениот напаѓач, освен што соопшти дека тој бил облечен во униформа на приватна компанија за обезбедување.