Нападнат хотел во Кабул

Талибански бунтовници нападнаа хотел во авганистанскиот главен град Кабул во кој се сместени странци, соопшти полицијата.

 

– Бомбаш-самоубиец активирал експлозив пред хотелот што се наоѓа во луксузен станбен реон на Кабул. Во зградата подоцна упаднале неколкумина терористи, изјави портпарол на кабулската полиција.

 

Во моментот во хотелот има престрелка. Нема засега информации за загинати. Одговорноста за нападот ја презедоа талибанците кои наведоа дека цел на нападите им се хотелот и црква во градот.