Напад во Тел Авив: Застрелан маж кој со автомобил влетал во толпа народ

Во Тел Авив се случи напад во кој најмалку седум лица беа повредени кога автомобил влета во толпа пешаци, а напаѓачот потоа избоде луѓе со нож.

Скај њуз наведува дека се верува дека овој напад го извршиле Палестинци, а израелскиот весник Хаарец наведува дека напаѓачот бил застрелан од цивил кој случајно се нашол таму.

Jerusalem Post пишува дека терористот откако налетал на луѓе со автомобил излегол од возилото и успеал да прободе една жртва во вратот, а потоа бил застрелан.

Хазем Касем, портпаролот на палестинското екстремистичко движење Хамас, наводно рекол дека „херојскиот напад во Тел Авив е првиот одговор на злосторствата на окупацијата врз народот на Џенин“, мислејќи на бегалскиот камп на Запад, која вчера беше нападната од израелски дронови.

Jerusalem Post ја цитира и изјавата на командантот на израелската полиција за областа Тел Авив, кој изјавил дека терористот е Палестинец од Западниот Брег, кој дејствувал сам и влегол на територијата на Израел со дозвола издадена врз основа на медицински наоди.