Најстудено во Маврово, најмногу снег во Дебар
Најстудено изутринава во седум часот било во Маврово, каде се измерени -7 степени, по што следи Крушево со - 5, Пожаране и Ѓуриште со -3, Берово и Тополчани со -2, и Дебар со - 1.
Снежната покривка во Дебар е највисока и изнесува 10 сантиметри, 9 во Mаврово, 8 во Пожаране, 6 во Крушево, 2 во Tетово, 1 во Тополчани.
Времето во Македонија е претежно облачно, во западните делови со врнежи од снег. Дува умерен ветер од северен и северозападен правец.
УХМР за денеска најавува променливо облачно и постудено време со локални врнежи од снег, особено во западните делови, каде на повеќе места ќе се формира снежна покривка. Ќе дува умерен северен ветер. Максималната температура ќе биде во интервал од -1 до 6 степени. Во Скопје, претежно облачно со повремен слаб снег претпладне. Ќе дува умерен северен ветер. Максималната температура ќе достигне до 3 степени.
Утре ќе биде сончево и студено со умерена облачност и со слаб до умерен северозападен ветер. Подрачјето на Македонија ќе се наоѓа под влијание на студена и сува воздушна маса, така што ќе преовладува стабилно и студено време со ниски утрински и дневни температури. Утринските во среда, а особено во четврток на места ќе се спуштат и под -10 степени, а дневните ќе бидат во интервал од -2 до 5 степени.
Ново на Сител
-
Тема на денот со отец Горан Стојчевски
-
Верниците го слават Велигден, црквата со порака за национално обединување и надминување на разногласијата
-
Со биење на камбаните најавено Христовото воскресение во Охрид
-
Вообичаен број интервенции на скопската Брза помош за продолжениот празничен викенд
-
Ден на македонскиот јазик
-
Групацијата за осигурување во вторник носи одлука дали ќе ги врати парите за полисите на граѓаните кои платија поскапо
-
Политичарите испратија пораки за мир и спокој на Велигден
-
Парламентарни избори 2024