Најстудено во Берово, најмногу снег во Маврови Анови

Во Берово изутрина во 7:30 часот се измерени -5 степени, -4 во Битола, -3 во Скопје-Петровец, Тетово, Струмица, -2 во Прилеп, Штип, Куманово, Велес, Гевгелија, Демир Капија, -1 во Скопје-Зајчев Рид, Крива Паланка, Дебар, Кавадарци. Нула степени се измерени во Охрид и Претор, два во Виница, три во Дојран и Маврови Анови, четири во Крушево и пет степени на Попова Шапка.

Како што информира УХМР, снежна покривка од 14 сантиметри има во Маврови Анови, а на Попова Шапка еден сантиметар. 

Во текот на ноќта времето беше ведро и студено. Утрово по одделни котлини, особено во регионот на Повардарието, има магла со намалена хоризонтална видливост и до 50 метри.

Времето денеска ќе биде сончево, претежно тивко и релативно топло со мала локална облачност. По одделни котлини ќе има појава на магла, која во текот на денот ќе слабее. Максималната температура ќе биде во интервал од 8 до 17 степени.

Во Скопје магливо и тивко, преку денот маглата ќе слабее. Максималната температура ќе достигне 10 степени.