Најстарото гнездо со штркови во Пијанец доби нови жители
Најстарото гнездо со штркови во Пијанец доби нови жители. Трите нови штркови денеска ги забележаа граѓани, кои за гнездото кое се наоѓа на една од антените на градската пошта велат дека датира од времето кога е изградена поштата во Делчево.
– Гнездото одамна стои тука и од година во година е се поголемо. Минатата година имаше три штрка, додека од утрово се забележуваат главчињата на трите нови жители. Ова е убава вест затоа што овие штркови се секогаш тука и се еден вид украс на градот, вели еден од постарите жители на градот.
Риболовците, додаваат дека штрковите се чести жители во Пијанечкиот регион затоа што им одговара климата покрај река Брегалница.
– За делчевските штркови е важно што на само неколку метри од поштата во Делчево е реката Брегалница која е нивен извор на храна и вода што и го прави идеално местото на живеење. Додека ловиме риба сведоци сме на нивното присуство и на глетката која е прекрасна за време додека трае нивниот лов, додаваат риболовците.
Минатата година еден од најстарите штркови угина, откако удри во новиот мост кој се гради во центарот на Делчево. Легендарното гнездо, минатата година имаше можност да го посети и поранешниот американски амбасадор Џес Бејли за време на неговиот престој на Делчево.
Ново на Сител
-
Расчистено убиството во Батинци, се трага по едно лице
-
Поради пожар затворен за сообраќај автопатот од наплатна рампа Миладиновци до клучка Бунарџик, во двата правца
-
ЦУК: Неколку пожари во Куманово и Старо Нагоричане
-
ЦУК: Поради ветер кој го зафати подрчјето на Куманово и Скопје на повеќе локации од искрење на жици предизвикни се пожари
-
Поранешниот претседател на Албанија, Илир Мета, останува во затворски притвор
-
Регрут од украинската армија уби двајца свои инструктори
-
Уапсен еден од соучесниците за убиството во Батинци
-
Владата обезбедува прочистувачи на воздух за 49 општини