Најмалку петмина загинати во бомбашки напад врз владин автобус во Кабул

Најмалку пет лица загинаа рано утринава во самоубиствен бомбашки напад врз авганистански владин автобус, изјавија официјални претставници на власта, пренесува ДПА.

-Уште најмалку десет други лица се повредени во нападот врз автобусот на Министерството за транспорт, изјави портпаролот на Министерството за внатрешни работи во Кабул Насрат Рахими.

Според властите, експлозијата ја предизвикал атентатор – самоубиец.