Најмалку осум лица загинаа во два бомбашки напада во Дамаск
Најмалку осум лица загинаа утринава, а повеќе десетици се повредени во два самоубиствени бомбашки напада во предградие на Дамаск, каде се наоѓа најголемиот шиитски храм во Сирија, објави сириската државна телевизија.
Автомобилот-бомба експлодирал на влезот од храмот Саида Зеинаб, кој е почитуван од сите шиити ширум светот.
Во овој кварт од почетокот на годинава припадниците на групата Исламска држава (ИД) извршиле најмалку три бомбашки напади.
Сирискиот центар за мониторинг на човековите права, со седиште во Лондон, соопшти дека во експлозиите загинале најмалку девет луѓе, а 30 се повредени.
Храмот, кој се наоѓа на десетина километри од центарот на Дамаск, е под зајакнато обезбедување на безбедносните сили, но сепак неколку пати бил мета на џихадистички напади.
Засега никој нема преземено одговорност за денешните синхронизирани напади.
Ново на Сител
-
Силно невреме ја зафати Хрватска | ВИДЕО
-
Скопјани нападнале и ограбиле маж на Камени мост
-
52 годишен скопјанец со пиштол и нож ограбил продавница, при бегање паднал и завршил во болница
-
Кривична пријава за родители од Штип - Ги заклучиле децата во автомобил и отишле во казино
-
Полицаец и германски политичар избодени со нож сред плоштад во Мајнхајм, Германија | ВИДЕО
-
Пад од 1,2 проценти на индустриското производство во април
-
Поскапени поштенските и курирските услуги
-
Хоспитализирани нови четири лица со голема кашлица, вкупно 661 случај во државава