Најмалку едно лице загина во експлозија пред италијанскиот Конзулат во Каиро

Моќна експлозија одекна пред италијанскиот Конзулат во Каиро изутринава, при што загина најмалку еден цивил, а четири лица се ранети, од кои двајца полицајци и двајца случајни минувачи, јави БТА. 

Италијански дипломат изјави дека нема повредени членови на мисијата, бидејќи во моментот на експлозијата зградата на Конзулатот била празна. 

Според првичните информации експлозијата е предизвиката од автомобил-бомба. 

Очевидци за египетските медиуми изјавија дека експлозијата предизвикала сериозна материјална штета врз зградата. 

Засега никој не ја презел одговорноста за експлозијата.