Најмалку 63 лица загинаа при потонување на брод крај бреговите на Сулавези

Бројот на жртвите во потонатиот брод во Индонезија, достигна 63 лица, јави ТАСС.

Спасувачките служби трагаат по 15 лица. Спасувачката операција се води по море и по воздух.

Бродот потона при силна бура на 21 декември крај островот Сулавези. Спасени беа 40 лица. Во бродот имало 118 патници и членови на екипаж.