Најмалку 44 загинати при напади врз упориштето на ИД во Сирија

Најмалку 44 лица загинаа, а околу 60 се ранети денеска при воздушни напади врз сирискиот град Рака, престолнина на самопрогласениот „Исламски Калифат“ од страна на џихадистчката група Исламска држава.  

Според Сирискиот центар за мониторинг на човековите права, како што јави ДПА, меѓу загинатите 39 се цивили, од кои пет деца, а само петмина се припадници на ИД. 

При нападите биле погодени неколку објекти, меѓу кои и болница и воен камп на ИД.   

Директорот на Центарот, Рами Абдел Рахман изјави дека засега не се знае кој ги извршил воздушните напади врз Рака, кој се нааоѓа во североисточниот дел на Сирија. 

- Знаеме дека тоа не биле авиони на коалицијата предводена од САД, што значи дека се или сириски или руски летала, изјави Рахман, додавајќи дека од досегашните искуства што ги имаат „авионите на сирискиот режим немаат капацитети за извршување на вакви напади“.

Вчера во водушни напади врз Рака, извршени од „неидентификувани авиони“, загинаа 16 лица.