Свет
25. May 2022 - 8:19

Најмалку 21 убиен при рација на полицијата во фавела во Рио де Жанеиро

Најмалку 21 лице загина при полициската рација во фавелата Вила Крузеиро во Рио де Жанеиро.

Акцијата во која биле вклучени и полициски хеликоптери, била покрената со цел да се лоцираат и уапсат шефови на криминални банди, меѓу кои и странски државјани.

Притоа било пукано врз полицијата која возвратила на огнот, при што била убиена жена од заскитан куршум. Во пукотниците имало и 11 повредени кои биле префрлени во болница.

Како што се развивала акцијата, се интензивирале оружените престрелки, а повредени и убиени постојано биле пренесувани во градските болници.

Службата за итна медицинска помош констатирала 21 смртен случај и седум ранети, соопшти бразилскиот Секретаријат за здравство.