Најмалку 20 повредени при влетувањето на автомобил во толпа во Минхен, возачот е уапсен

Најмалку 20 лица, од кои неколку потешко, се повредени денеска кога автомобил влета во група луѓе во Минхен. Како што пренесува „Билд“, неколку лица, меѓу кои и едно дете, се во тешка состојба.

Инцидентот се случил околу 10:30 часот кога возач го забрзал својот автомобил, а потоа влетал во демонстрантите во Минхен кои се собрале на повик на синдикатот на работниците „Верди“.

Најмалку шест лица се убиени, а повеќемина се повредени во пукање во германскиот град Рот ам Зе, јави ДПА.

Полициската истрага сега треба да разјасни дали возачот намерно влетал во толпата или случајно ја притиснал педалата за гас наместо сопирачката, пишува „Билд“.

Возачот е уапсен и, како што наведува полицијата, не претставува опасност за околината. Според „Билд“, се работи за 26-годишен Авганистанец. На терен и натаму се полициски припадници.