Најмалку 15 убиени и 50 ранети во двоен напад во Багдад

Најмалку 15 лица беа убиени денеска во два самоубиствени бомбашки напади во шиитска џамија во Багдад, соопштија од полицијата и болнички извори.

Педесет лица беа ранети во двојниот напад врз исламскот храм во квартот Шула.

Првиот напаѓач детонирал свој ремен со експлозив во внатрешноста на џамијата, а вториот - кога на местото на првата експлозија се собрале службеници на силите за безбедност. 

Според некои извори, меѓу загинатите има и четворица полицајци.

Засеа никој не ја презеде одговорноста за нападот.