Најмалку 12 луѓе загинаа при рускиот напад врз Киев
Министерството за внатрешни работи на Украина соопшти дека спасувачките служби пронашле уште две тела под урнатините, со што бројот на загинати во рускиот масовен напад врз Киев се искачи на 12.
Сè уште траат спасувачките операции откако Русија истрела 145 дронови и 70 ракети врз Киев, при што се разурнати 12 згради, а повредени се над 90 луѓе.
Претходно, Министерството за одбрана на Телеграм објави дека нападите во текот на ноќта врз Украина биле насочени кон различни објекти на украинската одбранбена инфраструктура.
-Извршен е масовен напад од воздух, од копно и од море … Мети беа украинскиот авијациски и ракетен сектор, вселенската индустрија, фабриките за производство на воена опрема и оклопни возила, како и објекти за производство на ракетно гориво и барут. Целите на нападот се постигнати. Сите цели се погодени, се наведува во соопштението на руското МО.
Неименуван претставник на украинската армија изјави дека ракетата која уби луѓе била од Северна Кореја. Тој посочи дека била истрелана ракета КН-23, со краток дострел, позната по прецизноста, која може да носи конвенционални или нуклеарни боеви глави.
Ново на Сител
-
„Тајмс оф Израел“: Нетанјаху побарал од Трамп да не ги укинува санкциите за Сирија
-
Собранието го донесе Законот за енергетика, за Божиновска тоа е еден од најважните
-
Зеленски: Не сум разговарал со Венс од кавгата во Белата куќа
-
Холандија и Данска се најдобри земји за деца
-
Приведен 61-годишник, при претрес на неговиот дом најдени се пушки, пиштол и куршуми различен калибар
-
Филков: СДСМ е последна партија што има право да зборува за реформи во правосудството
-
Кремљ со реакција на изјавата на Макрон: Нуклеарното ширење не е решение за Европа
-
Претседателот на Европскиот совет Антонио Кошта утре во Скопје