Најдобрите готвачи ќе се натпреваруваат во Струмица
Струмица го собра светскиот готвачки врв. Шеесетина мастер шеф судии и околу триста натпреварувачи од целиот свет во наредните пет дена ќе бидат дел од вториот интернационален гастрономски натпревар ГастроМак Македонија 2017. Се работи за настан кој и по обемот, но и по квалитетот на имињата кои учествуваат е најголемиот од ваков вид било кога одржан не само во Македонија туку и во регионот.
,, Натпреварот се одржува под мотото ,, Залче од светските вкусови,, и практично под универзалното знаме на гастрономијата ќе го обедини светскиот готвачки крем кој што во Струмица ќе го претставуваат судии интернационални, натпреварувачи и гости од триесетина земји.,, вели Адријана Алачки – претседател на ГастроМак
Настанот е во организација на асоцијацијата на готвачи и шефови на кујни од Македонија Гастромак и со поддршка на светската организација на шефови на кујни и општина Струмица.
,, Со настанот Струмица ја ставаме на светската гастрономска мапа. Струмичани ќе видат дел од гастрономските магии на големите готвачи, но исто така и ние како домакини ќе имаме што да покажеме, тоа е нашата гостопримливост, а секако и традиционалната кујна.,, рече Коста Јаневски – градоначалник на општина Струмица
Врвните кулинарски шефови ќе се натпреваруваат во 33 категории поделени во четири сегменти.
,, За овој настан се подготвувавме неколку месеци и е од голема важност за нас како хотел.,, рече Васил Крмзов – хотел Вила Парк
Покрај натпреварувачкиот предвиден е и едукативен дел во кој десетина експерти со мастер шеф титулата ќе одржуваат повеќе мастер класови.
-
Зоран Ѓоргиев
Сите содржини од овој новинар