Награда за ловците кои ќе вршат отстрел на диви свињи

Ловците кои ќе вршат отстрел на диви свињи ќе добиваат парична награда од 1000 денари за секоја стрелана единка. Освен наградата, ловците ќе го задржат и месото. Ова е една од превентивните мерки кои ги усвои Владата за заштита од болеста "африканска чума". 

Од сетот мерки со кои земјава треба да се заштити од болеста е и награда за сточарите кои доброволно ќе ги дадат свињите на колење. Тие ќе добиваат надомест од 50 евра по заклана свиња.

Вицепремиерот Анѓушев вели дека Владата донела одлука за намалување на бројот на свињи за да се спречи ширење на болеста која веќе се појави во Србија и Бугарија. Штетите врз економијата, ако болеста се појави меѓу свињите во земјава, ќе надминат 100 милиони евра годишно.

Наташа Хаџиспиркоска Стефанова