Над 90 проценти поддршка за независност на Ирачки Курдистан
Според првичните резултати над 90 проценти од гласачите се изјаснија дека ја поддржуваат независноста на Ирачки Курдистан, соопшти Изборната комисија во Ербил.
- Изборната активност вчера беше над 72 проценти. Конечните резултати ќе бидат соопштени за три дена, посочи Изборната комисија.
По гласањето ирачките Курди славеа до доцна во ноќта на улиците на Ербил, главиот град на Ирачки Курдистан.
Во меѓувреме, ирачкиот премиер Хајдер ал Абади изјави дека Владата на Ирак нема да преговара со курдските власти за резултатите од „неуставниот“ референдум за независност.
- Ние не сме подготвени да го разгледаме или да водиме дијалог за резултатите од референдумот, бидејќи е неуставен, изјави синоќа Абади.
Претседателот на Ирачки Курдистан, Масуд Барзани наведе дека референдумот не е обврзувачки, туку неговата цел е да обезбеди легитимен мандат на автономната територија Ирачки Курдистан и независност од Багдад преку дијалог со соседните држави.
Референдумот во Ирачки Курдистан наиде на неодобрување и осуда како од соседните земји, така и на меѓународната заедница. Стејт департментот во синоќешното соопштение наведе дека САД се „длабоко разочарани“ од спроведувањето на референдумот.
- САД се длабоко разочарани од одлуката на регионалната Влада на Курдистан да спроведе едностран референдум за независност, вклучително и во зоните кои се надвор од Ирачки Курдистан, се посочува во соопштението од Стејт департментот.
Исто така се потенцираат и историските односи меѓу САД и Курдите, „кои нема да се променат по необврзувачкиот референдум, но ќе се зголеми нестабилноста и потешкотиите за регионот на Курдистан и неговите жители“.
- Многу ќе се усложнат односите меѓу регионалната Влада на Курдистан со ирачките власти и соседните држави, а од нестабилноста корист ќе имаат екстремистичките групи како Исламска држава, се истакнува во соопштението од Стејт департментот.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање