Над 20 лица загинаа во експлозии во Анкара

Најмалку 20 лица загинаа во двете експлозии кои утрово ја потресоа турската престолнина Анкара, јави Ал Џезира Балкан.

Во експлозиите, кои избувнаа под железничкиот мост повредени се десетици лица.

Анадолија јавува дека причина за експлозиите е бомбаш-самоубиец, но без да го соопшти изворот на таа информација.

Во експлозиите предизвикана е и голема материјална штета.

Експлозиите се случија непосредно пред планираниот мировен марш *И покрај војната, веднаш сакаме мир. Мир, труд, демократија“, во знак на протест против конфликтот меѓу државата и курдските милитанти во југоисточна Турција.