Над 180 лица се убиени во Сирија за време на првиот ден од примирјето

Над 180 лица се убиени во Сирија за време на првиот ден од делумниот прекин на огнот во земјата, при што половина загинале во напад на групацијата Исламска држава во северните делови на земјата, соопшти Сирискиот центар за мониторинг на човековите права.

Во нападот на ИД врз сирискиот град Тел Абад на границата со Турција, како и врз околните градови и села, се убиени 70 џихадисти, 20 курдски борци и десет цивили.

Уште 25 цивили се убиени во престрелки и бомбардирања на други места на земјата.

Еден човек починал како последица на измачувањата во затвор, а двајца поради недостиг на храна и медицинска помош во предградието на Дамаск, Дараја.

Судирите во различни делови на земјата меѓу владините сили, бунтовниците и џихадистите од ИД загинале вкупно 50 борци од различни групации, додава Центарот.

Примирјето, поддржано од Русија и САД стапи во сила на полноќ во саботата (22 часот според Гринич во петокот)