Над 1000 пациенти и спортисти поминале низ центарот за спортска трауматологија

Со закажување преку Мој Термин, за пет месеци над 1200 лица биле третирани во Центарот за спортски трауматизам во ГОБ 8-ми септември. Во амбулантите на овој оддел завршиле професионални спортисти и рекреативци кои се здобиле со повреди на рамо, колено или зглобови. Дури кај 500тини од нив биле направени хируршки интервенции.

-Оние кои се итни случаи прво ги примаат во Ургентниот центар, а потоа наредниот ден во овие амбуланти им се прават прегледи. За спортски повреди имале и околу 20 термини на магнетна резонанца за да можат овие лица побрзо да добијат дијагноза и навремен ода бидат третирани, вели др. Христијан Костов, директор на ГОБ 8-ми септември.

Пред отворање на овој Центар, кој е единствен не само во земјата туку и во регионот, професионалните спортисти ги избегнувале државните здравствени установи поради поради губењето на време за да добијат термин за преглед или за снимање на магентна резонанца.  Еден од ортопедските хирурзи кој работи со спрортистите бил и на обука во странство за третирање на спортска траума.

-Да не беше Центарот, овие 1200 ќе завршеле во други ортопедски амбуланти низ земјата, но целта на овој специјализиран центар е сите тие спортисти и лица кои се занимаваат со аматерски спорт да добијат навремена услуга за што побрзо закрепнат и се вратат на активностите, вели Костов.

Бидејќи на спортистите при повреда им треба брза медицинска услуга, болницата соработува со речиси сите спортски федерации во земјата. Кошаркари, фудбалери и ракометари кои имале некоја повреда, пред да одат на натревар во странство поминуваат во Центарот за спортски трауматизам.