Македонија
28. September 2020 - 12:43

Националната платформа за он лајн учење падна уште првиот ден

На три дена пред стартот на учебната година националната платформа за учење од далечина  која викендов министерството за образование ја пушти во употреба не функционира. Од утрово има бројни реакции на ученици, родители и наставници преки социјалните мрежи кои велат дека имаат проблем при логирањето на платформата. Оние пак кои ќе успеат да влезат за кусо време го имаат истиот проблем. Засега нема официлајен став од министерството за образование за каков проблем се работи.

Од министерството викендов до сите ученици испратија кориснички и миња и лозинки за приклучување кон платформата која овие денови треба да се тестира пред официјалниот старт на учебната година на 1 октомври.

учениците од 1 до 3 одделение ќе посетуваат настава со физичко присуство додека останатите ќе учат од дома. Владата денеска соопшти дека е приширената листата на училишта кои може да организираат настава со физичко присуство за ученици над 4 одделение. Шест члена комисија по разгледување на сите пристигнати барања, одлуши да даде согласност настава со физично присуство да се организира во 223 основни училишта, едно државно училиште за ученици со посебни потреби и едно државно музичко училиште.

За децата коишто немаат уреди за онлајн следење, ќе се емитуваат 15-минутни часови на телевизија преку националниот сервис, а ќе се доставуваат и печатени материјали и наставниците да бидат во постојана комуникација со нив за да го следат напредокот во учењето.