На виенскиот аеродром се поставуваат биометриски апарати за препознавање на лица

На аеродромот во Виена се воведува гранична контрола во автоматски биометриски апарати за идентификација на лица, кои во моментов се инсталираат на електричните влезови, а ќе бидат пуштени во употреба на почетокот  на декември. 

Прво ќе биде скениран пасошот на патникот, а потоа апаратите ќе го сликаат неговото лице, со што автоматски ќе биде извршена контрола. 

Причината за воведувањето на таквиот вид на проверка е промената во шенгенскиот граничен кодекс.

Тој предвидува податоците на граѓаните од Европската унија да бидат споделувани во шенгенскиот информациски систем при патуваата во Унијата. 

Од 7 октомври земјите од Шенген зоната се задолжени да прават целосна контрола како на лицата од ЕУ, така и на граѓаните од трети земји.