На Табановце за излез од државата се чека 30 – 45 минути

Сообраќајот на државните патишта се одвива непречено, по претежно суви коловози. Итензитетот на патните правци надвор од градските средини е умерен. На ГП Табановце за излез од државата време на чекање 30 – 45 минути, а на останатите гранични премини, од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.