На конференцијата за климата во Париз почнуваат преговори

По говорите на претседателите, делегации на 195 држави почнуваат денеска преговори на светската конференција за климата што се одржува во Париз.

Пред да се врати во Вашингтон, американскиот претседател Барак Обама ќе има прес конференција, јавија француски медиуми. Францускиот претседател Франсоа Оланд ќе присуствува на мини средба на високо ниво со десетина лидери од африкански држави. Темата на средбата е Климатските предизвици и африканските решенија.

– Ќе биде тешко. Проектот за договор е долг и има многу варијанти, наведува европски претставник на конференција цитиран од француски медиуми.