На каталонските сепаратисти им се заканува кривично гонење
Шефот на пратеничката група на Народната партија на шпанскиот премиер Маријано Рахој во каталонскиот Парламент, Ксавиер Албиол ги предупреди функционерите кои се залагаат за отцепување на Каталонија дека ќе бидат кривично гонети, доколку продолжат со плановите да прогласат независност.
- Ако мислите дека ќе ви суди историјата, тогаш грешите. Судот на правдата ќе ви суди, рече Албиол за време на парламентарна седница обраќајќи му се на каталонскиот лидер Карлес Пуџдемон и другите приврзаници на независност на Каталонија.
Регионалните пратеници, кои го поддржуваат отцепувањето од Шпанија, преговараат за деталите за официјално прогласување независност, кое, според неофицијални најави, може да се случи денеска.
Според правните експерти, поради усвојување на ваква декларација шпанските судови би можеле да ги обвинат каталонските сепаратистички лидери за бунт.
- Историјата ќе покаже дека сте извршиле државен удар. Утре сигурно ќе се обидете да го постигнте врвот на вашиот државен удар, рече синоќа Албиол.
Ново на Сител
-
Руски воен репортер загина во Украина
-
Претрес во Свети Николе, пронајдена дрога
-
Пожари на диви депонии во Желино и Боговиње
-
Приведен дилер во Охрид, пронајдена дрога
-
Вучиќ-О'Брајан: Различни ставови по прашањата за Косово и Сребреница
-
Шест деца и тројца возрасни загинаа во израелски напад во Рафа
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење