Балкан
10. August 2019 - 11:51

Н1: Со оружје, кучиња и маски на глава Словенци ловат мигранти

Во Словенија, освен жица на границата со Хрватска, во лов на мигранти појдоа и самоорганизирани групи, јави загрепската ТВ Н1.

Според таа телевизија, Блаж Зидар секој ден оди покрај жичаната ограда и по десетина километри бидејќи, како што вели тој, освен што границата на одделни делови е пропусна, повремено и полицијата „замижува“ на илегалните преминувања. Тој вели дека не носи оружје, но со мигрантите „физички би се пресметал во случај на напад“.

Во Штаерска, на границата со Австрија, со слична цел се организирала група од околу 50 мажи, која се нарекува Штаерска гарда, а ја предводи Андреј Шишко. Како што јавува Н1, тие со оружје, кучиња и маски на глава ловат мигранти по шумите.