МЗТ Скопје го пречекува непоразениот Карпош Соколи

 

 

 

Актуелниот шампион МЗТ Скопје Аеродром попладнево го пречекува тимот на Карпош Соколи во меч од првата македонска кошаркарска лига.

 

Со дерби дуелот кој ќе се игра во малата сала на СЦ „Јане Сандански’’, а во кој МЗТ Скопје ќе се обиде на Карпош Соколи да му го нанесе првиот пораз сезонава, ќе биде комплетирано 6.коло во прволигашката конкуренција. 

 

Во претходно одиграните натпревари од оваа рунда Куманово како гостин го совлада Работнички со 82:64, Кожув беше подобар од Струмица со 77:58, а Фени Индустри го декласира гевгелиски Бест со 102:63.

 

Табела: Карпош Соколи 10 бодови (-1 натпревар), МЗТ Скопје А. 9 (-1), Фени Индустри 9, Работнички 9, Кожув 9, Куманово 9, Струмица 8 и Бест 6.