МЗТ Скопје домаќин на Партизан на стартот на АБА лигата

 

 

Кошаркарите на МЗТ Скопје Аеродром на домашен терен ќе ја почнат новата сезона во АБА лигата и тоа против најтрофејниот тим во ова натпреварување, белградски Партизан.

 

Првенството стартува на 30 септември, а првата гостинска средба „металците“ ќе ја одиграат во Белград против ФМП во рамки на 2. коло. 

 

Актуелниот шампион Црвена звезда во Скопје ќе гостува следната година, во рамки на 17.коло.

 

Финишот на сезоната ќе биде во тежок ритам со оглед на тоа што во последните три кола МЗТ Скопје ќе им гостува на двата црногорски тимови Будуќност и Морнар, а во Скопје ќе ја пречека секогаш силната Цедевита.